မလွန် မြေ အလွမ်းပြေ (၃) ။
မလွန် အကြောင်း
ပြော ရင် အညာ ဘုရားတွေ ၊ ဘု ရား ပွဲ တွေ အကြာင်း ပါ ပြော မှ ပြည့် စုံ မယ် ထင်ပါ တယ်။
ဒီ အညာ မြေ ကို အလုပ် တာဝန် အရ ရောက် သွား တဲ့ အခါ ကျ တော့ မှ ဒီ ဒေသ တွေ က ရှေး အခါ
မြတ်စွာ ဘု ရား သက်တော် ထင် ရှား ရှိ ခဲ့ စဉ် က သီတင်း သုံး ခဲ့ ဘူး တဲ့ နေ ရာ တွေ
၊ ဗုဒ္ဓ ဘာ သာ သာ သနာ ထွန်း ကား ပြန့် ပွါး ခဲ့ တဲ့ အ ထင် ကရ နေ ရာ တွေ ဖြစ် ကြောင်း
သိ ခဲ့ ရတယ်။
ရွှေ စက် တော် သွား တဲ့ လမ်း က ပွင့် ဖြူ နယ် ထဲ မှာ ထင် တယ်၊
ကျောင်း တော်ရာ ဘုရား ရှိ ပါတယ်။ ဒီ ဘုရား က မြတ် စွာ ဘုရား သီတင်း သုံး တော် မူ ခဲ့
တဲ့ စန္ဒကူး နဲ့ ဆောက် ထားတဲ့ ကျောင်း ကို အမှူး ပြု ပြီး တည် ထား တာ လို့ ဆိုပါ တယ်။
ဝါ ၀င် တဲ့ အခါ ကျ ရင် ဘုရား ဖူး ငါး တွေ လာ တယ် ဆို တဲ့ နေရာ ပေါ့ ။ အဲ ဒီ ငါး တွေ
က လည်း အတော် ထူး ဆန်း သား။ ၀ါ တွင်း ကာ လ မှာ ပဲ တွေ့ နိုင် ပြီး ၊ သီ တင်း ကျွတ်
တာ နဲ့ မရှိ ကြ တော့ ဘူး။ ဒါ ကြောင့် လူ တွေ က ဒီ ငါး တွေ ကို ၀ါ တွင်း ကာ လ မှာ ဘုရား
လာ ဖူး တဲ့ ငါး တွေ “ဘုရား ဖူး ငါး” ဆို ပြီး ခေါ် ကြ တယ်။ အမှန် တော့ ငါး ထွေ ဆို တဲ့
ငါး တွေ ပါ။ ဒါ ပေ မဲ့ ငါး ကြီး တွေ က တော် တော် ကြီး ကြ တယ်။ တော်တော် ကြီး လည်း ယဉ်
နေ ကြ တယ်။ ဘယ် လောက် ထိ ကြီး တာ တွေ့ ခဲ့ ရ ဘူး လဲ ဆို ရင်၊ သူ တို့ ပါးစပ် ပေါက်
ကြီး တွေ ဟ ပြီး အစာ တောင်း နေ တဲ့ အချိန် မှာ လမ်း စ လျှောက် ခါ စ ကလေး အရွယ် လောက်
ဆို အသာ လေး လျှောက် ပြီး ၀င် သွား နိုင် လောက် အောင် ကျယ် ပြီး၊ ဘယ် လောက် ယဉ် လဲ
ဆို တော့ ကမ်း စပ် နား ကပ် ပြီး အစာ တောင်း နေ တဲ့ အချိန် မှာ သူ့ ခေါင်း ကို ကိုင်
ပီး ရွှေ ချ တာ ငြိမ် ခံ နေ တယ်။ ဒီ ငါး တွေ လာ တဲ့ အချိန် က ၀ါ တွင်း ဆို တော့ မိုး
ရာသီ ထဲ မှာ ဖြစ် နေ လို့ လူ တိုင်း မကြုံ ဘူး ကြ ဘူး ။ ကျွန် တော် တောင် ကျောင်း
တော် ရာ ကို ရွှေ စက် တော် သွားရင်း မကြာ မကြာ ရောက် ဘူး ပေ မဲ့၊ ငါး ကျွေး တဲ့ အချိန်
(ငါး တွေ ဘုရား လာဖူး တဲ့ အချိန်) နဲ့ တခါ ပဲ ကြုံ တယ် ။ ဒါ တောင် ငါး ကျွေး သက်သက်
လာ လို့ တွေ့ ရ တာ ။ ရွှေ စက် တော် ဘု ရား ပွဲ ချိန် က ငါး တွေ မရှိ တော့ ဘူး လေ ။
အဲ ဒါ နဲ့ ဘုရား သမိုင်း တဆက် ထဲ က မင်း ဘူး က ရှင် ပင် စက္ကိန်း
တဲ (စက္ကတဲ) ၊ မကွေး က မြ သလွန်၊ မလွန် က မြ သပိတ် ဘု ရား တွေ ဖြစ် ပါ တယ်။ မြ သလွန်
နဲ့ မြ သပိတ် က လည်း သမိုင်း တဆက် ထဲ ဖြစ် ပြီး မကွေး မြသလွန် ၊ မလွန် မြ သပိတ် လို့
တောင် လူ တွေ က ခေါ် ကြ တယ် ။ ဘု ရား သမိုင်း အ ရ တော့ မြတ် စွာ ဘုရား မင်း ဘူး ရှင်
ပင် စက္ကိန်း တဲ ကျောင်း တော် မှာ စံ မြန်း နေ တဲ့ အချိန် မှာ မကွေး က ဘီ လူး ညီ နောင်
(နံမည် မေ့ နေ ပြီ) နှစ်ပါး ရောက် လာ ပြီး မြတ် စွာ ဘု ရား ကို မကွေး က ယူ လာ တဲ့ ဖန်
ခါး သီး ကပ် လှူ ပြီး တော့ မြတ် စွာ ဘုရား ထံ က မြသလွန် ကို အလှူ ခံ သွား ခဲ့ တယ်။ အဲဒီ
မြ သလွန် ကို မကွေး မှာ ဌါ ပနာ ပြီး၊ မြ သလွန် ဘု ရား ကို တည် ထား ခဲ့ ပါတယ်။ ဒါ ကို
အကြောင်း ပြု ပြီး တချို့ က လည်း မကွေး သား တွေ ကို နောက် ကြ တယ်။ မကွေး သား တွေ က
လည် တယ် ။ မြ သလွန် ကို ဖန်ခါး သီး နဲ့ ရ အောင် လဲ သွား တယ် ဆို ပြီး တော့ လေ။ မကွေး သား တွေ ဖတ် မိ ရင် စိတ် မ ဆိုး ကြ ပါ နဲ့ ။
မလွန် မြ သပိတ် က တော့ မြတ် စွာ ဘု ရား သုံး ခဲ့ တဲ့ မြ သပိတ်
ကို မြတ် စွာ ဘု ရား က အဓိဌါန် ပြီး ဧရာ ၀တီ မြစ် ထဲ ကို မျှော လိုက် တာ၊ ရေ စီး နဲ့
မျော လာ ပြီး မလွန် အ ရပ် ကို ရောက် ဆက် မမျော ပဲ တန့် နေ လို့ အဲ ဒီ အရပ် က လူ တွေ
က ဆယ် ယူ ပြီး မြ သပိတ် ဘုရား တည် ထား ခဲ့ တာ လို့ မှတ် သား ခဲ့ ရ ဘူး ပါ တယ်။ ဒါ ကြောင့်
ဒီ အရပ် ကို လည်း မြ သပိတ် တော် ဆက် မမျော ပဲ၊ အဲ ဒီ အရပ် က နေ မလွန် သွား တာ ကို အစွဲ
ပြု ပြီး “မလွန်” လို့ ခေါ် တွင် ခဲ့ ကြောင်း သိ ခဲ့ ရ ပါ တယ်။ နောက် ပါးစပ် ရာဇ ၀င်
အရ တော့ ရှေး ရှင် ဘုရင် တွေ လက် ထက် က ဒီ အရပ် ကို နယ် စား ပါယ်စား ပေးသနား ပြီး တာ
ဝန် ထမ်း ဆောင် စေ ခဲ့ တဲ့ အတွက် ၊ မင်း ညီ မင်း သား တွေ မှာ မင်း နေ ပြည်တော် နဲ့
ဝေး နေ ရ ပြီး နေ ပြည် တော် (ပျင်းမနားက နေ ပြည် တော် မဟုတ်) ကို လွမ်း ပြီး နေ ကြ
တာ ကြောင့် မင်း လွမ်း လို့ ခေါ် ရာ က နေ မလွန် လို့ ဖြစ် သွား တယ် လို့ လည်း ပြော ကြ
တယ်။ အဲ ဒါ လည်း ဖြစ် နိုင် လောက် တယ် ကျွန် တော် တို့ လည်း လွမ်း ခဲ့ ရ ဘူး တယ် လေ။
ကျန် တဲ့ ဘု ရား တွေ အ ကြာင်း က များ သော အား ဖြင့် ထင် ရှား
ပြီး သား မို့  ရေး စရာ အကြာင်း သိပ် မရှိ ပါ ဘူး။ အညာ ဘု ရား ပွဲ တွေ နဲ့ ပိတ် သက်
တဲ့ အကြောင်း တွေ အချိန် ရ ရင် ထပ် ရေး ကြည့် ပါ ဦး မယ်။
၂ ရက် ၊ စက် တင် ဘာ လ၊ ၂၀၁၂ ခုနှစ်
No comments:
Post a Comment